Ermənistanın “Jermuk” mineral sularının istehsalı ilə məşğul olan “Jermuk Group” QSC-yə qarşı 1,5 milyard rubl məbləğində iddia qaldırılıb. İddiaçılar mineral su şüşəsində sirkə turşusundan ölən Oleq Qusovun qohumlarıdır. Onun ölümünə istehsal səhvinin səbəb olduğu güman edilir.

“...Rusiyada məşhur “Jermuk” mineral suyunu istehsal edən Ermənistanın “Jermuk Group” QSC-yə, onun Rusiya Federasiyasındakı nümayəndələrinə və distribyutoruna qarşı 1,5 milyard rubl təzminat iddiası qaldırılıb. Keçən ilin fevralında Vladiqafqazlı sahibkar Oleq Qusov bu mineral suyu içdikdən sonra yanıqlardan öldü - sirkə turşusu şüşə butulkada üzə çıxdı”, - “Kommersant” yazır.