Dövlət Maliyyə Nəzarəti Xidməti tərəfindən həyata keçirilən yoxlamalar zamanı maliyyə sahəsində müxtəlif pozuntular və artıq ödəniş faktları müəyyən edilib. Məlumata görə, 2025-ci il və 2026-cı ilin ilk rübü ərzində ümumilikdə 157 obyekt üzrə nəzarət tədbirləri aparılıb.
Azadmedia.az xəbər verir ki, hesabatda qeyd edilib ki, aparılan yoxlamaların nəticəsində aşkarlanmış nöqsanlar aradan qaldırılıb, dövlət büdcəsinə əlavə vəsaitlərin geri qaytarılması təmin edilib.

Eyni zamanda bəzi faktlarla bağlı materiallar hüquq-mühafizə orqanlarına təqdim olunub.
İclas zamanı bildirilib ki, nəzarət mexanizmlərində risk əsaslı yanaşmanın tətbiqi və rəqəmsal platformaların genişləndirilməsi davam etdirilir. Bu addımlar maliyyə pozuntularının daha operativ aşkar olunmasına və qarşısının vaxtında alınmasına şərait yaradır.