FHN-in sedan tipli minik avtomobilləri satınalınması istəyi baş tutmayıb.
Azadmedia.az xəbər verir ki, Azərbaycan Respublikası Fövqəladə Hallar Nazirliyinin Xəzər Hövzə Qəza Xilasetmə Xidməti tərəfindən elan edilmiş sedan tipli minik avtomobilinin satınalınması ilə bağlı keçirilən satınalma prosedurunda kifayət qədər iştirakçı qeydə alınmayıb.
Məlumata görə, satınalmada iştirak etmək üçün təklif və təklifin təminatını təqdim etmiş, həmçinin tələb olunduğu halda müvafiq lisenziya və ya icazəyə malik təchizatçıların sayı üçdən az olub. Bu səbəbdən satınalma proseduru “Dövlət satınalmaları haqqında” qanunun 36.1.1-ci maddəsinə əsasən baş tutmamış hesab edilib.