SOCAR-ın fəaliyyətində iqlim dəyişikliklərinin yaratdığı mümkün təhlükələr ilk dəfə sistemli şəkildə qiymətləndirilib.

Bu barədə SOCAR-ın 2025-ci il üzrə Dayanıqlılıq Hesabatında məlumat verilib.

Hesabatda qeyd olunur ki, aparılan qiymətləndirmə çərçivəsində şirkətin Abşeron yarımadasında həyata keçirdiyi əməliyyatlara təsir göstərə biləcək beş əsas iqlim riski müəyyənləşdirilib.

Qiymətləndirmənin SOCAR-ın iqlim dəyişiklikləri fonunda fəaliyyətinə təsir edə biləcək risklərin əvvəlcədən müəyyənləşdirilməsi, onların mümkün nəticələrinin dəyərləndirilməsi və dayanıqlılıq tədbirlərinin gücləndirilməsi baxımından əhəmiyyət daşıdığı bildirilir.

Bu yanaşma şirkətin iqlim risklərinin idarə olunması və dəyişən iqlim şəraitinə uyğunlaşma imkanlarının artırılması istiqamətində mühüm addım kimi qiymətləndirilir.