"The Weeknd" təxəllüslü kanadalı müğənni Abel Makkonen Tesfayenin Los-Ancelesdəki konserti yarımçıq qalıb.
Axşam.az xarici mətbuata istinadən xəbər verir ki, sənətçi gecədə “Alone again” adlı ilk mahnısını ifa edərkən səsində problemlər yaranıb.
Növbəti ifası zamanı isə o səhnəni tərk edib və bir müddət sonra geri qayıdaraq səsinin batdığına görə konserti ləğv etmək məcburiyyətində qaldığını bildirib.
Zalda olan 70 min pərəstişkarından üzr istəyən müğənni biletlərin pulunu onlara qaytarılacağına da söz verib.