Yeni ilin ilk günündən WhatsApp messenceri bəzi smartfonlarda fəaliyyətini dayandırıb.
Bu barədə “RİA Novosti” şirkətin rəsmi saytına istinadən xəbər verir.

Belə ki, “Nokia Series 40” əməliyyat sisteminə malik telefon istifadəçiləri messencerdən istifadə edə bilməyəcək. Bildirilir ki, 2012-ci ildə dünyada “Nokia S40”ın müxtəlif versiyaları ilə işləyən 1,5 milyarddan çox telefon olub.
Bundan başqa, şirkət 2020-ci ilin fevralın 1-dən “Android 2.3.7” versiyalı smartfonlarda da istifadəni dayandıracaq.