Silivridəki bağ evində vəziyyəti pisləşərək xəstəxanaya aparılan Cüneyt Arkınla bağlı xəstəxanadan açıqlama verilib.
Xəstəxananın sahibi millət vəkili Hayati Arkaz aktyorun vəziyyətinin yaxşı olduğunu deyib:

“24 saat ərzində gözləmədiyimiz halda müalicəsi normal getdi. Bir neçə gün ərzində reanimasiyadan normal palataya köçürəcəyik”.
Xəstəxanadan eyni zamanda bildirilib ki, 81 yaşlı Cüneyt xəstəxanaya gətiriləndə şüursuz vəziyyətdə olub. Həm ürək, həm ağ ciyər çatışmazlığından əziyyət çəkir. Həkimlərin müdaxiləsindən sonra reanimasiyaya yerləşdirilib. Hazırda müalicə reanimasiyada davam edir.