ABŞ-ın keçmiş Ağ Ev müşaviri və MAGA hərəkatının əsas fiqurlarından biri olan Stiv Bennon İsrailin baş naziri Beniyamin Netanyahunun oğlu Yair Netanyahunun ABŞ-dan deportasiya edilərək mümkün müharibəyə göndərilməsini təklif edib.

Yayılan məlumata görə, Bennon ABŞ-ın Daxili Təhlükəsizlik Nazirliyini Yair Netanyahunu ölkədən çıxarmağa çağırıb. O, bildirib ki, Netanyahu ailəsinin üzvləri də müharibədə iştirak etməlidir.

Bennonun sözlərinə görə “Onu dərhal Mayamidən çıxarın. Daxili Təhlükəsizlik Nazirliyi haradadır? Onu geri göndərin, hərbi forma geyindirin və qoy ilk olaraq müharibəyə getsin.”

Məlumat The Jerusalem Post nəşrinə istinadən yayılıb.

Qeyd olunur ki, Yair Netanyahu, eləcə də baş nazirin digər oğlu Avner Netanyahunun indiyədək İsrail ordusunda aktiv döyüş xidmətində iştirak etməyiblər.

Kontekst

Bəyanat Yaxın Şərq regionunda artan gərginlik, xüsusilə İran ilə mümkün qarşıdurma fonunda səsləndirilib.