Hindistanın Rusiyadan xam neft idxalı rekord həddə çatıb

Hindistanın Rusiyadan xam neft idxalı iyul ayında rekord səviyyəyə yüksələrək gündəlik 2,8 milyon barelə çatıb. Bu barədə The Times of India nəşri məlumat yayıb.

Məlumata görə, Rusiyadan alınan neft Hindistanın ümumi neft idxalının 55 faizini təşkil edib. Bu göstərici Ukraynada müharibənin başlanmasından bəri ən yüksək səviyyə hesab olunur.

Beləliklə, Rusiya Hindistanın əsas xam neft tədarükçüsü mövqeyini daha da möhkəmləndirib və ölkənin neft idxalında dominant paya sahib olub. Bu artım Hindistanın enerji tələbatının təmin edilməsində Rusiyanın rolunun əhəmiyyətli dərəcədə yüksəldiyini göstərir.