İran Rusiyadan müasir hava hücumundan müdafiə sistemlərinin alınması ilə bağlı danışıqlar aparır. Söhbət Tehranın uzun illərdir əldə etməyə çalışdığı Rusiyanın S-400 zenit-raket komplekslərindən gedir.

“Telegraph” nəşrinin məlumatına görə, İranın yüksək vəzifəli rəsmilərindən biri ölkəsinin bu məsələdə nikbin olduğunu bildirib. Onun sözlərinə görə, Tehran Rusiya prezidenti Vladimir Putinin nəhayət S-400 sistemlərinin tədarükünə razılıq verəcəyinə ümid edir.

Məlumata əsasən, İranın ali rəhbəri Müctəba Xamenei cümə axşamı təhlükəsizlik xidmətinin rəhbəri Möhsün Rzaini şəxsi məktubla Kremlə göndərib. İranlı rəsminin bildirdiyinə görə, məktubda əsas tələblərdən biri Tehrana silah tədarükü olub.
Nəşr qeyd edir ki, bu danışıqlar ABŞ prezidenti Donald Trampın Rusiyanın İrana ümumiyyətlə kömək etmədiyi barədə açıqlamaları ilə ziddiyyət təşkil edir.