“Tarixi qələbə qazandığımız Vətən müharibəsindən sonra şəhid ailələri, müharibədə yaralanmış qazilərimizə ayrılan təqaüdlərin miqdarında ciddi artım oldu. Ancaq eyni zamanda, müharibə iştirakçılarının aldıqları təqaüd həmin səviyyədə qaldı. Bu, həm Birinci Qarabağ müharibəsi iştirakçılarına, həm də Vətən müharibəsi iştirakçılarına aiddir”.

Bunu deputat Elnur Allahverdiyev Milli Məclisdə çıxış edərkən deyib.

O qeyd edib ki, biz bu məsələni bir daha müzakirə etməli, üzərində düşünməli və müharibə iştirakçılarının aldıqları təqaüdlərin artırılmasının mümkünlüyü araşdırılmalıdır.