06.07.2024-cü il tarixində Azərbaycan Respublikası Qeyri Hökumət Təşkilatlarına Dövlət Dəstəyi Agentliyinin maliyyə yardımı ilə “Vərəmsiz Gələcəyə Doğru” İctimai Birliyi “Regionlarda qadınlar və uşaqlar arasında vərəm xəstəliyinin profilaktikası və ailələrdə vərəm stiqmasının ləğvi istiqamətində maarifləndirmə işi” mövzusunda Zaqatala rayonu Uşaq və Ailələrə dəstək Mərkəzində maarifləndirici təlim keçirib.

QHT.az xəbər verir ki, bu barədə “Vərəmsiz Gələcəyə Doğru” İctimai Birliyinin sədri Çingiz Ramazanlı məlumat verib. O, layihənin icra edilməsində AR Ailə, Qadın və Uşaq Problemləri üzrə Dövlət Komitəsinin Mərkəzlərlə iş Şöbəsinin müdiri Pərviz Əliyevə, Zaqatala Rayonu, İcra Hakimiyyəti Başçısının Aparatından Sərxan Maqsudova və Zaqatala rayonu Uşaq və Ailələrə Dəstək Mərkəzinin direktoru Cövharət İbrahimovaya böyük köməyinə görə dərin minnətdarlığını bildirir: "İcra edilən layihənin məqsədi gənc ailələr və onların ailə üzvləri arasında vərəm və digər İnfeksion xəstəliklərin yoluxma yolları və profilaktikası mexanizmləri barədə məlumatlılığın artırılması və müalicəyə bağlılığın səmərəliliyini yüksəltməklə yanaşı vərəm və digər infeksion xəstəliklərin profilaktikası, infeksion nəzarətin düzgün icra edilməsi və pasientlərin müalicəyə bağlılığının təmin olunmasının vacibliyini sadə şəkildə izah etmək olub".

QHT sədri həmçinin bildirib ki, tədbirə Zaqatala rayonunda yaşayan ailələr və onların ailə üzvləri, rayonun vərəm dispanserinin həkimləri, orta məktəb müəllimələri, uşaq bağçalarının əməkdaşları, tibb bacıları, mərkəzin əməkdaşları cəlb olunaraq ümumilikdə hava-damcı yolu ilə ötürülən xəstəliklərin yoluxdurma mexanizmlərini, yoluxmadan və xəstələnmədən qorunmağın yollarını, xəstələnən zaman özlərinin və ətrafdakı insanların təhlükəsizliyinin təmin edilməsini və müalicə prosesində müalicəyə bağlılığın həm özlərinin, həm də ətrafdakıların sağlamlığının qorunmasında nə qədər əhəmiyyətli olması barədə maarifləndirici interaktiv təlimi dinləyib: "Təlimin əvvəlində və sonunda qazanılmış biliklərin harada və necə daha səmərəli istifadəsi barədə professional məsləhətlərə qulaq asıblar. Cəmiyyətin əsas potensialı olan gənc ailələr və onların yaxınları bu bilgilərdən istifadə etməklə düzgün və ən əsası sona qədər müalicə alaraq xəstəliyə davamlı formaların yayılmasının və ətrafdakıları yoluxdurmamağın nə dərəcədə vacib olmamsının elmi yolları barədə məlumatlarla tanış olublar".