Gəncə şəhər Molla Pənah Vaqif adına 8 nömrəli məktəbin 6/4-cü sinif şagirdləri sinif rəhbərləri Lamiyə Əliqızının təşkilatçılığı ilə Zəfər Qələbəsinə həsr olunmuş "Qarabağ Azərbaycandır!" mövzusunda ingilis dilində videoçarx hazırlayıblar. Ölkə Prezidenti İlham Əliyevin 44 günlük Vətən müharibəsi dövründə söylədiyi qələbə nitqləri ilə əhatə olunmuş videoçarxda şagirdlər - Tağiyeva Nərgiz, Yusubova Ləman, Bayramov Kənan, İsrafilov Sənan və Əsgərov Sahib ingilis dilində işğal altında olan və Ali Baş Komandanın, Müzəffər Ordumuzun peşəkarlığı nəticəsində azad olunan torpaqlar haqqında çıxışlar etmişlər. Vətənpərvərlik ruhunda hazırlanan viseoçarx təkcə uşaqlar və böyüklər arasında deyil, Azərbaycan haqqında həqiqətlərin informasiya mübadiləsi nəticəsində ölkəmizdən kənarda da maraqla qarşılanacağına əminik.

Elnurə Abuşova