Bərdə Peşə Liseyində “Tarixə Düşənlər” filminin təqdimatı olub.
İdeya müəllifi Günel Əliqızı, rejissoru Zahir Əsədov olan film 44 günlük Vətən müharibəsində şəhid olmuş Bərdə şəhər Peşə Liseyinin məzunu Elməddin Hüseynzadəyə həsr olunub.
Fevralın 10-da Bərdə Peşə liseyində şəhid Elməddin Hüseynzadəyə həsr olunmuş “Tarixə Düşənlər” filminin təqdimatı keçirilib.
Azadmedia.az xəbər verir ki, şəhid Elməddin Hüseynzadə Bərdə Peşə liseyində təhsil alıb. Lisey rəhbərliyinin qərarı ilə şəhidin oxuduğu sinifə onun adı verilib.
Təqdimatdan öncə tədbir iştirakçıları şəhid Elməddin Hüseynzadənin adına verilən sinif otağında olublar.