Naxçıvan-Bakı-Naxçıvan avtobus marşrutu fəaliyyətini bərpa edir.

Bu barədə Dövlət Avtomobil Nəqliyyatı Xidmətinın İctimaiyyətlə Əlaqələr şöbəsinin rəhbəri Nuridə Allahyarova məlumat yayıb.

Nuridə xanım bildirib ki, bu marşrut üzrə ilk avtobus iyulun 17-də yola düşəcək.

Sərnişinlərin PCR testindən keçməyinə ehtiyac yoxdur. Naxçıvan-Bakı-Naxçıvan avtobus marşrutu üzrə gün ərzində dörd avtobus xidmət göstərəcək.

Avtobuslara bilet almaq istəyənlər muxtar respublika avtovağzallarına müraciət edə bilərlər.

Qeyd edək ki, pandemiya ilə əlaqədar Naxçıvan-Bakı-Naxçıvan avtobus marşrutu ötən ilin mart ayında fəaliyyətini dayandırmışdı.