Rusiyanın “Freedom Finance” investisiya şirkətinin təsisçisi, milyarder Timur Turlov ölkə vətəndaşlığından imtina edib.

Bu barədə “Forbes” nəşri məlumat yayıb.

Məlumata əsasən, T.Turlovun Rusiya vətəndaşlığından imtina etməsinin səbəbi Qazaxıstanda ikili vətəndaşlığa icazə verilməməsidir. Buna görə biznesmen tək Rusiya yox, həm də Karib hövzəsindəki Sent Kits və Nevis ştatının pasportundan da imtina etməli olub.

Qeyd edək ki, “Freedom Finance” ABŞ-da qiymətli kağızlar bazarında ixtisaslaşan və Qazaxıstan və Rusiyada broker, depozitar və diller xidmətləri göstərən şirkətlərdən biridir.
axar.az