AzadMedia
Telegram Facebook Twitter Youtube Instagram

Şərqşünas alim Frankfurtda keçirilən beynəlxalq konfransda məruzə edib - ÖZƏL

  • + A
  • - A
  • 31-03-2023, 14:25

    Şərqşünas alim Frankfurtda keçirilən beynəlxalq konfransda məruzə edib -

    Bakı, 31 mart — Azadmedia.az

    AMEA-nın akademik Ziya Bünyadov adına Şərqşünaslıq İnstitutunun İran filologiyası şöbəsinin elmi işçisi Fidan Nəsirova martın 28-30-də Almaniyanın Frankfurt şəhərində keçirilən VII Beynəlxalq Avropa Disiplinlərarası Elmi Araşdırmalar Konfransında iştirak edib. Şərqşünas alim onlayn qatıldığı konfransda “İranda məktəb açmış birinci böyük şəxsiyyət Rüşdiyyədir” adlı məruzə edib.
    Məruzəçi bu gün qonşu ölkədə əldə olunan bir çox elmi, mədəni, texniki, iqtisadi nailiyyətlərin kökündə məhz türkəsilli soydaşlarımızın durduğunu fəxrlə vurğulayaraq, tezisini çoxsaylı elmi faktlarla əsaslandırıb. Alim mülahizələrinin məntiqi davamı kimi, gələcək nəsillərin formalaşmasında müstəsna əhəmiyyətə malik ilklərə imza atan saysız-hesabsız soydaşlarımızdan biri, İranda ilk müasir tipli, dünyəvi məktəblərin banisi M.H. Rüşdiyyənin həyat və yaradıcılığına müraciət edib.
    Qeyd edək ki, məruzədə maarifpərvər ziyalı, şair, nasir, müəllim, dini-siyasi xadim M.H. Rüşdiyyənin çoxşaxəli ictimai, elmi-pedaqoji fəaliyyəti ilə yanaşı, onun Səfəvilər dövründən sonra Cənubi Azərbaycanda ana dilimizdə açılan ilk milli məktəb olan “Rüşdiyyə məktəbləri”ndəki təlim-tədris metodlarından da söz açılıb. Bütün şüurlu həyatını insanların savadlanmasına həsr etmiş pedaqoqun “Vətən dili” dərsliyi, çoxsaylı metodik vəsaitləri və ümumilikdə bədii irsinin müxtəlif cəhətlərdən təhlili dinləyicilərin marağına səbəb olub.


    Vüqar Məmmədov,
    AMEA-nın Şərqşünaslıq İnstitutunun
    ictimaiyyətlə əlaqələr üzrə məsul əməkdaşı,
    filologiya üzrə fəlsəfə doktoru


    www.AzadMedia.az

    Mətndə səhv var? Onu siçanla seçin və Ctrl+Enter düyməsini basın.
    OXŞAR XƏBƏRLƏR

    Köşə
    XƏBƏR LENTİ
    BÜTÜN XƏBƏRLƏR