ABŞ və Çin sülhə və bəşəriyyətin mövcudluğuna əsas təhlükədir. Çünki onlar bir-biri ilə münaqişə yolunu seçiblər.

Azadmedia.az xəbər verir ki, bunu ABŞ-ın keçmiş dövlət katibi Henri Kissincer deyib.

Həmçinin Kissincer bildirib ki, iki ölkə arasında münasibətlərin hazırkı vəziyyəti son dərəcə təhlükəlidir:

Qeyd edilib ki, “Bu hal I Dünya müharibəsindən əvvəlki vəziyyətə bənzəyir. Yəni, tərəflərdən heç birinin siyasi güzəşt fikri yoxdur və istənilən balanssızlıq fəlakətli nəticələrə səbəb ola bilər. Tayvan ətrafında hipotetik hərbi münaqişə nəticəsində həm adanın özü məhv olacaq, həm də dünya iqtisadiyyatı mikroprosessorlarla təchizat mənbələrini itirəcək. Biz böyük dövlətlər arasında qarşıdurmanın astanasındayıq. Bundan əlavə, tərəflərdən hər biri digər tərəfin strateji təhlükə yaratdığına özünü inandırıb”.