Bazar ertəsi səhər Litvanın paytaxtı Vilnüsdə bir gün əvvəl ölkəyə rəsmi səfərə gələn Azərbaycan prezidenti İlham Əliyevin rəsmi qarşılanma mərasimi olub.

Prezident sarayının həyətində fəxri qarovul dəstəsi düzülüb, Əliyevi Litva Prezidenti Gitanas Nauseda qarşılayıb.

Bundan sonra bazar ertəsi Vilnüsdə Azərbaycan lideri ilə Litva prezidenti arasında dar tərkibdə danışıqlar baş tutub.

Danışıqlardan sonra Azərbaycan-Litva sənədlərinin imzalanması mərasimi olub.

İmzalanmış sənədlər arasında:

- “Azərbaycan Respublikasının Ekologiya və Təbii Sərvətlər Nazirliyi və Litva Respublikasının Ətraf Mühit Nazirliyi arasında ətraf mühitin mühafizəsi sahəsində əməkdaşlıq haqqında Saziş”;

- “Azərbaycan Respublikasının Baş Prokurorluğu ilə Litva Respublikasının Baş Prokurorluğu arasında 2024-2025-ci illər üçün əməkdaşlıq Proqramı”;

- “Azərbaycan Respublikasının Gənclər və İdman Nazirliyi və Litva Respublikasının Sosial Təminat və Əmək Nazirliyi arasında gənclər siyasəti sahəsində əməkdaşlıq haqqında Saziş” var