Türkiyənin Almaniyadakı səfiri Xarici İşlər Nazirliyinə çağırılıb.

Azadmedia.az xəbər verir ki, bu barədə Almaniya XİN-in Tvitter səhifəsində məlumat yayılıb.

Belə ki, səfirin XİN-ə çağırılmasına səbəb Türkiyə hökumətinin Almaniya məhkəmə sisteminə yönələn tənqidləridir.

Qeyd edək ki, “Türkiyə səfiri bu gün çağırılanda ona məlumat verilib ki, Almaniya hökuməti söz və mətbuat azadlığı, eləcə də məhkəmə sistemi ilə bağlı Türkiyə hökumətinin irəli sürdüyü iddiaları qəti şəkildə rədd edir", - deyə bildirilib.