Ukrayna müharibədən sonra Avropa İttifaqının (Aİ) tamhüquqlu üzvü olacaq.

Azadmedia.az xəbər verir ki, bunu Almaniya Kansleri Olaf Şolts Sosial Demokratlar Partiyasının 160-cı ildönümü münasibətilə keçirilən mərasimdə deyib.

Belə ki, “Putinin öz imperialist çılğınlığını gücləndirmək üçün yazdığı qitəmizin acı tarix səhifəsi Avropa İttifaqına tamhüquqlu üzv dövlət kimi yüksələn azad Ukrayna ilə nəticələnəcək”, - deyə Şolts bildirib.

Qeyd edək ki, Şolts əlavə edib ki, güc tətbiq etməmə, sərhədlərin toxunulmazlığı, dövlətlərin ərazi bütövlüyü və öz müqəddəratını təyinetmə prinsiplərini əsas tutan SDP Ukraynanın tərəfini tutmalıdır.