Nüvə gücləri geosiyasi gərginlik fonunda öz arsenallarını genişləndirir.

Azadmedia.az xəbər verir ki, bu barədə Stokholm Beynəlxalq Sülh Araşdırmaları İnstitutu məlumat yayıb.

Belə ki, qeyri-rəsmi nüvə klubunun üzvləri (Rusiya, ABŞ, Böyük Britaniya, Fransa, Çin, Hindistan, Pakistan, Şimali Koreya və İsrail) birlikdə 12 512 nüvə silahına sahibdir. Onlardan iki minə yaxını (əsasən Rusiya və ABŞ) daimi döyüş hazırlığındadır.

Həmçinin1770 döyüş başlığı olan ABŞ nüvə silahı yerləşdirən ölkələr arasında lider olmaqda davam edir. İkinci yerdə 1674 döyüş başlığı ilə Rusiya, üçüncü və dördüncü yerdə Fransa (280 döyüş başlığı) və Böyük Britaniya (120 döyüş başlığı) qərarlaşıb.

Qeyd edək ki, Çində isə əhəmiyyətli artım mövcuddur. Belə ki, 2022-ci ildəki arsenal 350-dən 410 döyüş başlığına qədər artıb. Oxşar vəziyyət Böyük Britaniya, Pakistan və Hindistanda da müşahidə olunub.