Ötən gün Türkiyənin İstanbul şəhərində 16 mərtəbəli binada baş verən yanğının səbəbi məlum olub.

Azadmedia.az xəbər verir ki, məlumatı Türkiyə mediası yayıb.

Bildirilib ki, səs izolyasiyası və dekorun yenilənməsi işləri aparılarkən qaynaq zamanı boru partlayıb. Partlayış isə yanğına səbəb olub.

Qeyd edək ki, partlayış çoxmərtəbəli binada yerləşən gecə klubunda baş verib. Hadisə nəticəsində 29 nəfər ölüb, 1 nəfər yaralanıb.