Çərşənbə axşamı Şimali Koreya Yapon dənizinə (Şərq dənizi) doğru bir neçə qısa mənzilli ballistik raket atıb.

Birləşmiş Qərargah Rəisləri (JCS) bildirib ki, buraxılış 9:30-da (yerli vaxtla) Çaqando əyalətinin Kange bölgəsində aşkar edilib. Raketlər dənizə düşməzdən əvvəl təxminən 250 kilometr uçub. Raketlərin dəqiq sayı barədə məlumat verilmir.

JCS sonuncu buraxılışı pisləyib və bunu Koreya yarımadasında sülh və sabitliyi təhdid edən “açıq-aşkar” təxribat adlandırıb.

“Mümkün əlavə buraxılışlara hazırlaşmaq üçün ordumuz monitorinq və sayıqlığı artırıb, Şimali Koreyanın raketi barədə Amerika və Yaponiya tərəfləri ilə yaxından məlumat mübadiləsi aparıb və tam hazır vəziyyətdə saxlanılıb”, - komitədən bildirilib.

Prezident səlahiyyətlərini icra edən Choe Sang-mok Şimali Koreyanın son raket atışını pisləyib və bunu BMT Təhlükəsizlik Şurasının qətnamələrinin açıq şəkildə pozulması adlandırıb.

Bundan əvvəl, yanvarın 6-da Şimali Koreya Yapon dənizinə doğru orta mənzilli ballistik raket buraxmışdı.