Avqustun 25-də saat 12 radələrində Qaradağ rayonunun Lökbatan qəsəbəsi ərazisində Qəbələ rayon sakini A.Səlimov idarə etdiyi “Nissan” markalı avtomobili qarşıda gedən Abşeron rayon sakini Muradalı Manafovun idarə etdiyi “ZAZ” markalı avtomobilə vurub. Nəticədə xəstəxanaya yerləşdirilən M.Manafov orada ölüb.
Qaradağ RPŞ-də araşdırma aparılır.

***

Avqustun 25-də saat 10 radələrində Daşkəsən rayonunun Quşçu Körpüsü qəsəbəsi ərazisində qəsəbə sakini Xəlil İbrahimov idarə etdiyi “VAZ-21011” markalı avtomobili dəmir dirəyə vurub. Nəticədə sürücü ölüb.
Daşkəsən RPŞ-də araşdırma aparılır.

***

Avqustun 25-də saat 18 radələrində Beyləqan rayonunun Yuxarı Kəbirli kəndi ərazisində kənd sakini Novruz Qasımov idarə etdiyi “VAZ-21150” markalı avtomobili aşırıb. Nəticədə sürücü hadisə yerində ölüb.
Beyləqan RPŞ-də araşdırma aparılır.

***

Binəqədi RPİ 4-cü Polis Şöbəsi əməkdaşlarının keçirdikləri əməliyyat tədbirləri nəticəsində rayon ərazisində yerləşən bir evdən velosiped oğurlamaqda şübhəli bilinən Bakı şəhər sakini İ.Qasımov saxlanılıb. Davam etdirilən tədbirlərlə onun müxtəlif vaxtlarda həyətyani sahədən, avtomobildən, iki marketdən də oğurluq etməsi müəyyən olub.

***

Nizami RPİ 24-cü Polis Şöbəsi əməkdaşlarının keçirdikləri əməliyyat tədbirləri nəticəsində rayon ərazisindəki bir evdən 700 manat dəyərində qızıl-zinət əşyaları oğurlamaqda şübhəli bilinən Bakı şəhər sakini H.Vəlizadə saxlanılıb.

***


Nizami RPİ 25-ci Polis Şöbəsi əməkdaşlarının keçirdikləri əməliyyat tədbirləri nəticəsində rayon ərazisində bir avtomobildən 6000 manat dəyərində faranı oğurlamaqda şübhəli bilinən Bərdə rayon sakini E.Talıbov saxlanılıb.


***

Suraxanı RPİ 30-cu Polis Şöbəsi əməkdaşlarının keçirdikləri əməliyyat tədbirləri nəticəsində rayon ərazisində yerləşən 3 evdən məişət əşyaları oğurlamaqda şübhəli bilinən Bakı şəhər sakinləri T.Rüstəmov, T.Xanbabayev və qardaşı Kamran saxlanılıb.


Sumqayıt ŞPİ əməkdaşlarının keçirdikləri əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən Sabirabad rayon sakini N.Həsənov saxlanılıb. Şəxsi axtarış zamanı ondan 1 kiloqramdan artıq heroin aşkar olunaraq götürülüb.

***

Ağcabədi RPŞ əməkdaşlarının keçirdikləri “Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində narkotik vasitələrin qanunsuz dövriyyəsində şübhəli bilinən rayon sakini İ.Quliyev saxlanılıb. Ona məxsus həyətyanı sahəyə baxış keçirilərkən oradan kultivasiya yolu ilə yetişdirilmiş 41 ədəd çətənə kolu və 100 qram marixuana aşkar olunaraq götürülüb.

***

Beyləqan RPŞ əməkdaşlarının keçirdikləri əməliyyat tədbirləri nəticəsində Beyləqan şəhər sakini əvvəllər məhkum olunmuş H.Əmirovun idarə etdiyi “Mercedes” markalı avtomobilə baxış zamanı oradan 1 ədəd “Makarov” markalı tapança və 1 ədəd patron darağı aşkar olunaraq götürülüb.