AzadMedia
Telegram Facebook Twitter Youtube Instagram

Xəstəliklərin bir çoxuna səbəb... - Bu suları ALMAYIN

  • + A
  • - A
  • Dünən, 18:30

    Xəstəliklərin bir çoxuna səbəb... - Bu suları ALMAYIN

    Azərbaycan Qida Təhlükəsizliyi Agentliyi (AQTA) tərəfindən çox vacib bir yoxlama həyata keçirilib. Belə ki, 47 su istehsalı müəssisəsindən və su brendlərindən nümunələr götürülərək analizlər aparılıb. Nəticədə 20 brenddə müxtəlif çirklənmələr aşkar edilib. Həmçinin bir su aparatından götürülən nümunədə də uyğunsuzluq müəyyən olunub. Aşkarlanmış uyğunsuzluqlarla əlaqədar olaraq, həmin müəssisələrdə nöqsanlar aradan qaldırılanadək məhdudlaşdırıcı qərar qəbul edilib, sahibkarlar barəsində inzibati tədbirlər görülüb.

    Qeyd edək ki, bu sahədə yoxlamalar davam etdirilir.

    Modern.az-a açıqlamasında Azad İstehlakçılar Birliyinin sədri Eyyub Hüseynov AQTA tərəfindən həyata keçirilən tədbirləri mühüm addım kimi qiymətləndirib.

    O qeyd edib ki, insan bədəninin 85%-i sudan ibarətdir. Onun sözlərinə görə, bu baxımdan, xəstəliklərin bir çoxunun səbəbini də elə suda axtarmaq lazımdır:

    “AQTA-nın bazarlarda kütləvi şəkildə satılan təxminən 20 su brendində çirklənmə aşkar etməsi, mühüm və müsbət haldır. Bu istiqamətdə işlər davam etdirilməlidir. Sevindirici haldır ki, həmin su brendlərinin adları da ictimaiyyətə təqdim olunub”.

    E.Hüseynov bildirib ki, son illərdə geniş yayılmış su aparatları məsələsinə gəldikdə isə, bu qurğular guya təmizlənmiş su təqdim etsə də, əslində birbaşa su şəbəkəsindən gələn sudur:

    “Bu aparatların su satış müəssisəsi – yəni "Azərsu" ASC ilə heç bir əlaqəsi yoxdur. "Azərsu" ASC sahibkara suyu biznes qiymətinə satır. Bu qiymətlər fərdi istehlakçılara satılan sudan daha yüksəkdir. Nəticədə bəzi sahibkarlar həmin sahədə sadəcə pul qazanmaq məqsədilə fəaliyyət göstərir və təəssüf ki, təqdim etdikləri suyun keyfiyyətinə də heç bir zəmanət vermirlər.

    Sadə dillə desək, borudan gələn su naməlum texnoloji prosesdən keçərək istehlakçılara "təmizlənmiş" su adı altında satılır. Bu aparatlar bir çox yaşayış binalarının qarşısında, məktəblərin yanında quraşdırılıb. Azad İstehlakçılar Birliyi olaraq təklif edirik ki, xüsusilə məktəblərdə uşaqlara pulsuz və həqiqətən təmiz keyfiyyətə malik içməli su təqdim olunsun”.

    O həmçinin vurğulayıb ki, hazırda bu sahədə bəzi şəxslər biznes məqsədilə fəaliyyət göstərərək, istehlakçılara təmiz su adı altında qeyri-müəyyən keyfiyyətli su təqdim edirlər:

    “Yaxşı haldır ki, AQTA bu məsələni də araşdırıb və bəzi halları ifşa edib.

    Ümumiyyətlə, suyun sağlamlığa zərərli olub-olmaması məsələsi sadə şəkildə müəyyən edilə bilməz. Suyun tərkibilə bağlı 300-ə qədər müxtəlif parametrlə analiz aparılmalıdır. Eyni bir ailənin 5 üzvündən 3-nə uyğun olan su, digərləri üçün uyğun olmaya bilər. Su orqanizmə fərqli təsir göstərir və bu təsirlər hətta genetik səviyyədə dəyişə bilər”.

    Eyyub Hüseynov onu da əlavə edib ki, suyun sərt (yəni minerallarla zəngin) və ya yumşaq olması, tərkibindəki maddələrin orqanizmə təsiri hələ də tam öyrənilməyib:

    “Bu səbəbdən də, mən tövsiyə edərdim ki, insanlar fərqli mənşəli içməli sulardan istifadə etsinlər. Bəzən vətəndaşlar belə bir sual verirlər: əgər bütün sular eyni H2O-dursa, bəs niyə bəzilərinin litri 40 qəpik, digərlərinin isə litri 6 manata başa gəlir? Bu, haqlı sualdır. Təəssüf ki, bəzi şəxslər qiymətlər üzərindən sui-istifadə hallarına yol verir və suyu bu cür yüksək qiymətlərlə satırlar.

    Məhz bu baxımdan, su aparatlarının təsiri araşdırılmalı, bu barədə əhalinin maarifləndirilməsi aparılmalıdır. Təəssüf ki, sözügedən məsələ hələ də tam şəkildə aydınlaşmayıb. Buna baxmayaraq, AQTA-nın gördüyü işlər təqdirəlayiqdir və bu fəaliyyət daha da genişləndirilməlidir”.



    Uyğunsuzluq müəyyən edilmiş müəssisələr və su aparatı aşağıdakılardır:



    Məhsulun adı

    İstehsalçı

    Ünvan

    Su istehsalı müəssisələri

    1

    "Pak Su" əmtəə nişanlı su

    Fiziki şəxs Aqşin Quliyev Salam oğlu

    Bakı şəhəri, Binəqədi rayonu, M.Ə.Rəsulzadə qəsəbəsi, Binəqədi şosesi 294B

    2

    "İceberg" əmtəə nişanlı su

    Fiziki şəxs Elman Niftəliyev Elşən oğlu

    Bakı şəhəri, Nəsimi rayonu, M.Kazımovski küçəsi, ev 245

    3

    “Şeh Su” əmtəə nişanlı su

    "Şeh Group" MMC

    Bakı şəhəri, Xətai rayonu, H.Aslanov qəsəbəsi, C.Hacıbəyli küçəsi, ev 5

    4

    İçməli su

    Fiziki şəxs Azər Dadaşov Balahəsən oğlu

    Bakı şəhəri, Nəsimi rayonu, H.Əliyev küçəsi, 1061-ci məhəllə, 6-cı korpus, 1-ci mərtəbə

    5

    "Saf Su" əmtəə nişanlı su

    Fiziki şəxs Pərviz Ağayev Teymur oğlu

    Bakı şəhəri, Binəqədi rayonu, 241A

    6

    "Arı" əmtəə nişanlı su

    Fiziki şəxs Lalə Kərimova Eldar qızı

    Bakı şəhəri, Yasamal rayonu, Ə.Salamzadə küçəsi, 2-ci döngə, giriş 418-17

    7

    "Duruca" əmtəə nişanlı su

    "İsaoğulları" MMC

    Bakı şəhəri, Xəzər rayonu, Binə qəsəbəsi, Binə atçılıq, Donuzkökəltmə sovxozu ərazisi

    8

    "Venera" əmtəə nişanlı su

    "Asenat” MMC

    Bakı şəhəri, Nərimanov rayonu, Ə.Qaibov küçəsi 6

    9

    İçməli su

    Fiziki şəxs Tarifxan Balabəyov Tahir oğlu

    Bakı şəhəri, Suraxanı rayonu, Zığ qəsəbəsi, A.Göyüşov küçəsi

    10

    "İdeal" əmtəə nişanlı su

    Fiziki şəxs Səttər Fərhadov Əli oğlu

    Bakı şəhəri, Suraxanı rayonu, Hövsan qəsəbəsi, Sahil küçəsi, ev 42

    11

    “Duru Su” əmtəə nişanlı su

    Fiziki şəxs Şamxal Salmanzadə Nərman oğlu

    Bakı şəhəri, Suraxanı rayonu, Yeni Suraxanı qəsəbəsi, ev 87

    12

    İçməli su

    Fiziki şəxs Səməd Əsədov İmanqulu oğlu

    Bakı şəhəri, Binəqədi rayonu, Neft prospekti, 3068-ci məhəllə

    13

    "Aqua Flot" əmtəə nişanlı su

    "Zemz" MMC

    Bakı şəhəri, Xətai rayonu, H.Aslanov qəsəbəsi, C.Hacıəliyev küçəsi 5

    14

    "Suel" əmtəə nişanlı su

    Fiziki şəxs Samir Fətəliyev Həzi oğlu

    Bakı şəhəri, Nizami rayonu, Ə.Vəliyev küçəsi 121

    15

    "Mono Su" əmtəə nişanlı su

    "Buzdağı" MMC

    Bakı şəhəri, Nizami rayonu, B.Çobanzadə küçəsi, ev 1

    16

    "Butasu A" əmtəə nişanlı su

    "Butasu A" MMC

    Bakı şəhəri, Nərimanov rayonu, H.Mirzəyev küçəsi, ev 4K

    17

    "Abşirin" əmtəə nişanlı su

    Fiziki şəxs Sevda Zeynalova Nofel qızı

    Abşeron rayonu, Novxanı kəndi

    18

    "Ayna Su" əmtəə nişanlı su

    Fiziki şəxs Anar Fətullayev Bahadur oğlu

    Abşeron rayonu, Qobu qəsəbəsi

    19

    "Assu" əmtəə nişanlı su

    Fiziki şəxs Sakit İbrahimov Hüsi oğlu

    Abşeron rayonu, Türkan qəsəbəsi, Üzümçülük sovxozu, ev 36

    20

    "Abi Həyat" əmtəə nişanlı

    Fiziki şəxs Bəylər Əzizov Abas oğlu

    Sumqayıt şəhəri, İnşaatçılar qəsəbəsi



    Su aparatı



    Məhsulun adı

    İstehsalçı

    Aparatın yerləşdiyi ünvan

    1

    "Su Az" əmtəə nişanlı su

    “Su Az” MMC

    Bakı şəhəri, Binəqədi rayonu, Z.Bünyadov prospekti 11b


    www.AzadMedia.az

    Mətndə səhv var? Onu siçanla seçin və Ctrl+Enter düyməsini basın.
    OXŞAR XƏBƏRLƏR

    Köşə
    XƏBƏR LENTİ
    BÜTÜN XƏBƏRLƏR