Misir Mərdanov təhsil sahəsindəki yeniliklərdən danışıb

Keçmiş təhsil naziri Misir Mərdanov Azərbaycanda təhsil sahəsində həyata keçirilən islahatları və mövcud problemləri şərh edib.

AZƏRTAC-a açıqlamasında o bildirib ki, təhsil sahəsində problemlər bütün ölkələrdə mövcuddur. M.Mərdanov xüsusilə müəllimlərin əməkhaqqı məsələsinin vaxtilə əsas problemlərdən biri olduğunu deyib.

Onun sözlərinə görə, hazırda müəllimlərin əməkhaqqının artırılması istiqamətində mühüm addımlar atılır və bu artım ilbəil davam edir. Məktəb direktorlarının maaşlarının artırılması da müsbət hal kimi qiymətləndirilib.

M.Mərdanov qeyd edib ki, beynəlxalq təcrübə öyrənilərək ölkədə tətbiq olunur, dərslik və dərs vəsaitlərinin hazırlanmasına ciddi diqqət yetirilir. O, həmçinin kurikulum islahatının davam etdiyini və məktəblərin müasir avadanlıqlarla təmin olunduğunu bildirib.