ABŞ-ın vitse-prezidenti Cey Di Vens Gürcüstanda çıxışında Tramp administrasiyasının Vaşinqtonda həyata keçirdiyi hüquq-mühafizə tədbirlərini müdafiə edib. O, bu siyasətin ölkənin digər şəhərlərində də tətbiq olunmasının vacibliyini vurğulayıb.

Vens bildirib ki, dövlət başçısının təşəbbüsü ilə qəbul edilən “işçi ailələri üçün vergi endirimi” amerikalılar üçün mühüm dəstəkdir. O, iqtisadiyyatın möhkəmlənməsi ilə yanaşı, ictimai asayişin də bərpasının administrasiyanın əsas prioritetləri arasında olduğunu deyib.

Vens şəxsi təcrübəsinə toxunaraq, bir neçə il əvvəl Vaşinqtondakı Union stansiyasında övladının küçədə aqressiv davranışla üzləşdiyini xatırladıb.

"Biz Amerikadakı küçələri amerikalılara qaytarmalıyıq. Görürsünüz, bir çoxları aydın ruhi və fiziki problemlərlə üzləşib. Onları küçələrdə buraxmaq insanpərvər deyil. Bizim vəzifəmiz, bu insanlara yardım göstərməkdir."

Vitse-prezident əlavə edib ki, administrasiyanın diqqəti hazırda Vaşinqtona yönəldilib, lakin digər şəhərlərdə də nümunəvi tədbirlərin tətbiq olunacağına ümid var.