HƏMAS bu gün daha iki ölən girovun cəsədini təhvil verəcəyini açıqlayıb.

Bu barədə "The Times of Israel" hərəkatın rəsmi açıqlamasına istinadən məlumat yayıb.

Təhvil-təslim İsrail vaxtı ilə saat 22:00-da (Bakı vaxtı ilə 21:00) baş tutmalı idi.

Beynəlxalq Qırmızı Xaç Komitəsinin yüksək rütbəli rəsmisi portala iki girovun cəsədini alacaqlarını gözlədiklərini təsdiqləyib. HƏMAS onların adlarını açıqlamayıb.

HƏMAS daha əvvəl 8 nəfərin cəsədini İsrailə qaytarıb.