ABŞ Prezidenti Donald Tramp bildirib ki, ABŞ və İran arasında keçiriləcək növbəti nüvə danışıqlarında o, “bilavasitə” iştirak edəcək. Danışıqlarda Vaşinqtonu ABŞ-ın xüsusi elçisi Steve Witkoff və Trampın kürəkəni Jared Kushner təmsil edəcək.

Tramp jurnalistlərə Air Force One təyyarəsində verdiyi açıqlamada deyib:

“Bu danışıqlarda bilavasitə iştirak edəcəyəm. Onlar çox önəmli olacaq.”
ABŞ lideri həmçinin ümid etdiyini bildirib ki, Tehran Vaşinqtonla razılığa gəlmək istəyir, çünki son vaxtlar sərt mövqeyinin və keçən il ABŞ tərəfindən həyata keçirilən bombardman əməliyyatlarının nəticələri İran üçün ciddi olub.

“İran razılıq əldə etmək istəyir və əldə etmədiyi halda qarşılaşacağı nəticələrdən xəbərdardır,” – Tramp əlavə edib. O qeyd edib ki, “İran çox sərt bir danışıqqçıdır,” lakin ümidvar olduğunu bildirib ki, ölkə daha məntiqli davranacaq.

Məlumata görə, ABŞ və İran arasında növbəti raund nüvə danışıqları çərşənbə günü Cenevrə, İsveçrədə keçiriləcək.