AzadMedia
Telegram Facebook Twitter Youtube Instagram

Paşa Talıblı: "Göyçədən çox uzaq qütb ulduzuyam..."

  • + A
  • - A
  • 1-03-2021, 17:58

    Paşa Talıblı: "Göyçədən çox uzaq qütb ulduzuyam..."

    ...Məni bu çəmən seyrinə
    gülün yaraşığı çəkdi!
    ...sarının saman sarısı
    ağ gülün işığı çəkdi!

    ...yaxasız- yaxalı...dartdı!
    ...ya üzü, ya xalı dartdı!
    Birisi yuxarı dartdı,
    birisi aşağı çəkdi!

    ...dünyanın nə gül dərdinə!
    ...gülməzə nə gül dərdi, nə?
    ...nə ağla, nə gül, dərdinə—
    nə çəkdi aşığı çəkdi!


    *
    ...anamız Yer yumru— yupyumrucadı,
    qütbdən yanaqları batıqdı bir az.
    ...qütb də Qüdsdü, qüsulsuz, eynən
    qütbün cazibəsi artıqdı bir az.

    Eh, qütbün qəsbi də cazibədardı...
    Qüdsi tərifləmək qütbə qəsd deyil.
    ... padşahı sevənlər padşahpərəstdi,
    qəsbkar qütbçüdü, qütbpərəst deyil.

    ...qütb ayılarına hikkəli qibtəm!
    Haqq bilən hikmətlə mən də razıyam.
    .. eh qütb ulduzları...Göyçədəki tək!
    Göyçədən çox uzaq qütb ulduzuyam...

    Paşa Talıblı


    www.AzadMedia.az

    Mətndə səhv var? Onu siçanla seçin və Ctrl+Enter düyməsini basın.
    OXŞAR XƏBƏRLƏR

    Köşə
    XƏBƏR LENTİ
    BÜTÜN XƏBƏRLƏR