Xocalı şəhərində Xocalı soyqırımı qurbanlarının xatirəsinə abidə ucaldılacaq. KİV-in məlumatına görə, hazırda ərazidə hazırlıq və təmizlik işləri aparılır.

Qeyd edək ki, 1992-ci il fevralın 25-dən 26-na keçən gecə silahlı erməni birləşmələri tərəfindən yüzlərlə dinc sakin, ümumilikdə 613 nəfər, o cümlədən 106 qadın, 63 uşaq, 70 qoca qətlə yetirilib. 1275 Xocalı sakini girov götürülüb, 150 nəfərin taleyi naməlum olaraq qalır. Şəhər yer üzündən silindi.

Xocalı faciəsi Dağlıq Qarabağ münaqişəsi tarixində ən böyük və ən qanlı, bəşər tarixinin ən amansız qətliamlarından biri oldu.