Bu ilin iyulunda Danimarkada baş vermiş “Qurani-Kərim”in yandırılması hadisəsindən sonra İraq və digər İslam ölkələrində keçirilən etiraz nümayişləri rəsmi Kopenhageni hərəkətə keçirib.
Azadmedia.az xarici KİV-ə istinadla xəbər verir ki, Danimarka hökumətinin gərginliyin milli təhlükəsizliyə təhdid yaratdığını bəyan etməsindən sonra bu məsələ ölkə parlamentinin müzakirəsinə çıxarılıb.
Belə ki, Danimarka parlamentinin bəyanatında qeyd olunub ki, bu gün müzakirə edilən qanun layihəsinin məqsədi dini icmalar üçün təhqiredici əməlləri törədən şəxsləri cinayət məsuliyyətinə cəlb etməkdir. Parlamentin bu qanunu qəbul edəcəyi təqdirdə cinayətkarları iki ilə qədər həbs cəzası gözləyir.