Argentinada keçirilən prezident seçkilərində sağçı Xavyer Miley qalib gəlib. Azadmedia.az xəbər verir ki, bu barədə onun rəqibi, hakim partiyanın namizədi Serxio Massa məlumat verib.
Belə ki, "Mən Xavyer Mileyi təbrik etmək üçün onunla əlaqə saxladım və uğurlar arzuladım, çünki o, argentinalıların əksəriyyətinin növbəti 4 il üçün seçdiyi Prezidentdir", - deyə Massa deyib.

Qeyd edək ki, Xavyer Miley dövlətin həyata minimal müdaxiləsinin tərəfdarıdır. O, Mərkəzi Bankı ləğv etməyi planlaşdırır və milli valyutanın dollarla əvəzlənməsini təklif edir.