Bolqarıstan Ukraynaya hərbi yardım çərçivəsində zirehli personal daşıyıcıları göndərir.
Azadmedia.az xəbər verir ki, Bolqarıstan parlamenti Bolqarıstan Daxili İşlər Nazirliyi ilə Ukrayna Müdafiə Nazirliyi arasında 100 zirehli personal daşıyıcısının təhvil verilməsi haqqında sazişi təsdiqləyib. Belə ki, Ukraynaya təhvil veriləcək sözügedən zirehli personal daşıyıcıları Bolqarıstan polisinin ehtiyatından köçürüləcək.
Həmçinin bu qərarı hakim koalisiya partiyalarından olan 152 deputat dəstəkləyib, sosialistlər və “Renessans” partiyasının nümayəndələri isə etiraz ediblər.

Qeyd edək ki, müqaviləyə əsasən, Bolqarıstan Ukraynaya öz inventarında olan BTR-60 zirehli personal daşıyıcıları, eləcə də Bolqarıstan Daxili İşlər Nazirliyinin artıq ehtiyac duymadığı texniki baxış üçün ehtiyat hissələri verəcək.