Birləşmiş Millətlər Təşkilatı (BMT) aclığa son qoymaq üçün “qlobal yol xəritəsi” prosesini başladıb.
BMT-nin Ərzaq və Kənd Təsərrüfatı Təşkilatı (FAO) tərəfindən verilən bəyanatda 2015-ci ildə imzalanan Paris iqlim sazişində müəyyən edilmiş insan fəaliyyətləri nəticəsində buraxılan istixana qazları emissiyalarının səbəb olduğu qlobal temperatur artımının 1,5 dərəcə selsi ilə məhdudlaşdırılması məqsədinə uyğun olaraq, aclıq və ərzaq çatışmazlığına son qoymağı hədəfləyən “Qlobal yol xəritəsi”nin hazırlanması prosesinə başlanıldığı açıqlanıb.

“2030-cu ilə qədər 600 milyon insanın xroniki aclıqla üzləşmə riskini və artan qlobal iqlim böhranını nəzərə alsaq, bu yol xəritəsi transformativ dəyişikliyə çağırır”, - bəyanatda deyilir.

Aqro-ərzaq sistemlərinin xalis emissiyaçılardan karbon qəbuledicilərinə çevrilməsi çərçivəsində aclığa son qoymağı hədəfləyən qlobal yol xəritəsi ilə bağlı bəyanatda həmçinin bu ifadələrə yer verilib: "Yol xəritəsi, aqro-qida sistemlərindən mənbələnən emissiyaları 2030-cu ilədək azaltmağı, 2035-ci ilə qədər karbon neytrallığına nail olmağı, 2050-ci ilə qədər onları karbon uducuya çevirməyi və hər il 1,5 giqaton istixana qazı emissiyasını əldə etməyi hədəfləyir''. TRT