Finlandiyanın baş naziri Petteri Orpo dekabrın 14-dən etibarən ölkənin Rusiya ilə şərq sərhədindəki iki keçid məntəqəsini yenidən açacağını söyləyib.

Azadmedia.az TRT xəbərə istinadla bildirir ki, P.Orpo mətbuat konfransındakı çıxışında deyib: “Yenidən açılacaq iki keçid məntəqəsi ölkənin cənub-şərqində Vaalimaa və Niiraladır.
Belə ki, Finlandiyanın Rusiya ilə şərq sərhədində doqquz keçid məntəqəsi var ki, onlardan biri yalnız qatarlar üçün açıq idi. Dekabrın 14-dən etibarən açılacaq iki keçid məntəqəsi istisna olmaqla, qalanları yenə bağlı qalacaq”.

Qeyd edək ki, Finlandiyanın daxili işlər naziri Mari Rantanen də bu qərarın yanvarın 14-dək qüvvəyə qalacağını bildirib və Rusiyanın Finlandiya hökumətinə təzyiq etmək üçün miqrant hərəkətlərindən istifadə etdiyinə dair şübhələrin yenidən ortaya çıxacağı təqdirdə hökumətin təcili tədbirlər görəcəyini təkrarlayıb.