Birləşmiş Ştatların avtomobil nəhəngi “General Motors” (GM) bildirib ki, yanvarın əvvəlində Miçiqandakı iki avtomobil zavodunda 1300 işçini ixtisar edir.

ABŞ-ın ən böyük avtomobil istehsalçısı ”Chevrolet Bolt EV”nin istehsalını başa çatdıran və 2025-ci ilin sonunda elektrik yük maşını istehsalına başlayacaq “Orion Assembly” zavodunda 945 işçinin ixtisar ediləcəyi bildirilir. Bu müəssisədə gələn həftə “Bolt”un son partiyasının istehsalı nəzərdə tutulub.