İsveçin müdafiə naziri Pol Yonson və Niderlandın İsveçdəki səfiri Benqt van Loosdrext iki ölkə arasında qarşılıqlı qorunma və məxfi məlumatların mübadiləsi (GSA) haqqında saziş imzalayıb.
Azadmedia.az xəbər verir ki, bu barədə İsveç hökumətinin ofisi məlumat yayıb.

Belə ki, “Saziş ölkələrin müdafiə sahəsində əməkdaşlığı gücləndirmək imkanlarının genişləndirilməsi istiqamətində mühüm addımdır və ölkələr arasında paylaşılan məxfi məlumatların qorunmasını təmin etmək məqsədi daşıyır”, - deyə press-relizdə qeyd olunub.

Həmçinin “Biz Niderland ilə müdafiə sahəsində əməkdaşlıqda irəliyə doğru mühüm addım atırıq”, - Yonson deyib.