Polşanın Baş naziri Donald Tusk yanvarın 22-də Kiyevə səfəri zamanı ölkəsinin Ukrayna üçün təhlükəsizlik zəmanətləri ilə bağlı G7 Vilnüs Bəyannaməsinə qoşulduğunu bildirib.

Azadmedia.az xəbər verir ki, bu barədə Polşa Baş nazirinin ofisinin “X” sosial səhifəsində yayılan bəyanatında deyilir. “Polşa G7 bəyannaməsinə qoşulub, məqsəd Ukraynaya dəstək üçün demokratik ölkələri səfərbər etməkdir”, - deyə bəyanatda bildirilir.

Qeyd edək ki, Donald Tusk bu gün Kiyevə səfər edib. O, Ukrayna Prezidenti Volodimir Zelenski ilə görüşüb.