Norveç və Ukrayna təhlükəsizlik sahəsində 10 illik əməkdaşlıq və uzunmüddətli dəstək sazişi imzalayıb.

Azadmedia.az Ukrayna KİV-ə istinadən xəbər verir ki, bu barədə Norveç hökumətinin bəyanatında deyilir.

Belə ki, sənəd çərçivəsində Norveç hökuməti Kiyevə ümumilikdə 328 milyon dollardan çox vəsait ayıracaq.

Həmçinin “Norveçin Baş naziri Yonas Qar Styöre və Ukrayna Prezidenti Volodimir Zelenski bu gün təhlükəsizlik siyasəti sahəsində əməkdaşlığın gücləndirilməsinə dair saziş imzalayıblar”, - məlumatda qeyd edilib.

Qeyd edək ki, bu məbləğin əsas hissəsi, yəni 190,2 milyon dolları Ukraynanın hava hücumundan müdafiə sisteminin gücləndirilməsi təşəbbüsünə sərf olunacaq.