İtaliyanın cənubundakı kiçik bir qəsəbədə yaşayan 75 yaşlı Eugenia Granito Qəzzada baş verənləri gördükdən sonra həyatının ən dəyərli miraslarından birini xeyriyyə məqsədilə satmağa qərar verib.

O, ailəsindən miras qalan 400 illik tarixi malikanəsini satışa çıxararaq əldə olunacaq bütün gəliri müharibə nəticəsində yaralanan və zərər çəkən uşaqların müalicəsinə bağışlamaq istədiyini açıqlayıb.

Granito bildirib ki, uşaqlıq və ailə xatirələri ilə bağlı olan bu tarixi evin satışından əldə ediləcək vəsait başqa uşaqların həyatına və gələcəyinə ümid verə bilər.

Onun bu qərarı insanlıq, mərhəmət və həmrəylik naminə atılan mənalı addım kimi diqqət çəkib.