Hidayət Heydərov növbəti mərhələyə adlayıb

Bakıda keçirilən cüdo üzrə böyüklər arasında dünya çempionatının üçüncü günündə Azərbaycan millisinin üç üzvü tatamiyə çıxıb.

Qadınların 57 kq çəki dərəcəsində Xədicə Qədəşova 1/32 finalda Janar Joldosyeva ilə qarşılaşacaq.

Kişilərin 73 kq çəki dərəcəsində Hidayət Heydərov 1/32 finalda Kosovo cüdoçusu Akil Qyakova ilə üz-üzə gəlib. Olimpiya və dünya çempionu bu görüşdən qalib ayrılıb.

Heydərov 1/8 finalda Finlandiya təmsilçisi Olin Valtteri ilə qarşılaşacaq.

Rəşid Məmmədəliyev isə 1/16 finalda Adil Osmanov – Castin Lemir görüşünün qalibi ilə mübarizə aparacaq.

Yarışın təsnifat mərhələsi saat 10:30-da, final bloku isə 18:00-da başlayacaq. Görüşlər “CBC Sport” və “Judo TV” vasitəsilə canlı yayımlanacaq.