Ankara Türkiyədə ikinci nüvə elektrik stansiyasının tikintisi üçün bir neçə xarici şirkəti nəzərdən keçirir, hazırda prioritet ABŞ-a verilir.
Ekonomim xəbər verir ki, Türkiyə hələ ikinci nüvə elektrik stansiyası layihəsinin xarici icraçısı barədə qərar verməyib, lakin tərəzi ABŞ-ın xeyrinə dəyişir.

Ankara həmçinin Cənubi Koreya, Çin, Kanada və Rusiyadan bir neçə şirkəti nəzərdən keçirir. Ölkə hökuməti əvvəllər Kanadanın AtkinsRealis şirkəti ilə müqavilə bağlamışdı, lakin nüvə elektrik stansiyasının gələcəyi gələn il aydınlaşacaq.

Qeyd edək ki, ölkə tarixində ikinci nüvə elektrik stansiyasının Sinopda tikilməsi planlaşdırılır. Həmçinin, Ankara Trakyada bir obyekt tikmək niyyətindədir. 

Xatırladırıq ki, "Rosatom" tərəfindən Türkiyədə inşa edilən "Akkuyu" stansiyasının ilk enerji blokunun istismara verilməsi gələn il baş tutmalıdır.