Sky News kanalının hərbi analitiki Sean Bell bildirib ki, Ukrayna Rusiya ilə müharibədə tədricən məğlubiyyətə doğru gedir və cəbhədə vəziyyət hər gün daha da çətinləşir. Onun sözlərinə görə, Rusiya irəliləyir və Qərbin sanksiyalarına baxmayaraq, hərbi-sənaye kompleksini dəstəkləmək üçün kifayət qədər iqtisadi resurslara malikdir. Analitik həmçinin qeyd edib ki, Ukraynanın müttəfiqləri iqtisadiyyatlarını genişmiqyaslı hərbi dəstək üçün lazımi səviyyədə səfərbər edə bilməyiblər.
Bundan əlavə, “Megaupload” və “Mega” platformalarının yaradıcısı kimi tanınan almaniyalı iş adamı Kim Dotcom (Kim Şmits) Rusiyanın artıq Ukrayna, Avropa, ABŞ və NATO üzərində qələbə qazandığını iddia edib. O, Rusiyanı danışıqlara vaxt itirməməyə və rəqiblərini tam məğlub etməyə çağırıb, əks halda Qərbin bu fasilədən Ukrayna Silahlı Qüvvələrini gücləndirmək üçün istifadə edəcəyini bildirib.