[center]

Ermənistanın baş naziri Nikol Paşinyan TRIPP layihəsinin həm ölkəsi, həm də beynəlxalq logistika baxımından əhəmiyyətli dəyişikliklər yaradacağını bildirib.

Bu barədə erməni mediası məlumat yayıb.

Paşinyan ABŞ-da keçirilən “Konkordiya” sammitindəki panel müzakirəsində deyib ki, Ermənistan hazırda TRIPP layihəsinin reallaşdırılmasına fokuslanıb.

Baş nazirin sözlərinə görə, layihənin icrası nəticəsində Azərbaycanla dəmiryol əlaqəsinin yaradılması nəzərdə tutulur.

O, həmçinin Ermənistan-Türkiyə sərhədinin açılmasını və dəmiryol bağlantısının qurulmasını gözlədiklərini qeyd edib.

Paşinyan TRIPP layihəsinin Şərqlə Qərb arasında yeni marşrut yaradaraq beynəlxalq logistika sisteminə də təsir göstərəcəyini vurğulayıb.