Azərbaycan Milli Elmlər Akademiyasının (AMEA) Elm Tarixi İnstitutunun (ETİ) Elmşünaslıq və elmin sosial problemləri şöbəsinin müdiri, siyasi elmlər üzrə fəlsəfə doktoru Elvin Talışınski 09 fevral 2022-ci il tarixində Rusiyanın paytaxtı Moskva şəhərində keçirilən “Nizamidən Nəvaidək zamanı birləşdirən bağ” adlı beynəlxalq elmi-praktik konfransda iştirak edib.

Konfrans Heydər Əliyev adına Neft Fondunun Moskvadakı nümayəndəliyi, Rusiyadakı Azərbaycan və Özbəkistan səfirliklərinin, M.V.Lomonosov adına Moskva Dövlət Universitetinin və Daşkənd Dövlət Universitetinin birgə təşkilatçılığıyla keçirilib.

Gənc alim, konfransda "Orta əsrlərin dahi azərbaycanlı şairi Nizami Gəncəvinin mədəni irsində elmin yeri" məruzəsi ilə çıxış edib.

E.Talışınski həmçinin, konfransda 29 elmi məruzənin təqdim edildiyi və dinlənildiyi IV seksiyanın moderatoru qismində də iştirak edib.

Qeyd edək ki, konfransda 15 ölkədən fərqli sahələrdə olan alimlər iştirak edib.