Bakı şəhəri Nəsimi rayonu 14№li tam orta məktəbin tarix müəllimi Ləman Abbasovanın rəhbəri olduğu 5"B" sinif şagirdləri Qarabağ uğrunda gedən Vətən müharibəsində şəhid olmuş Teymur Osmanlının xatirəsinə həsr olunmuş tədbir keçirdilər.
Tədbir Azərbaycan Respublikasının Dövlət Himni ilə başladı. Şəhid Teymur Osmanlıya həsr olunmuş videoçarx nümayiş etdirildi. Şagirdlər bizi qürurlu edən şəhid övladlar haqqında şeirlər, fikirlər səsləndirdilər. 3"Ç" sinif şagirdi Ömər Səmədov “Xudayar” təsnifini ifa etdi.
Tədbirin sonunda Şəhid Teymur Osmanlının atası Saday Osmanlı çıxış edərək məktəbin rəhbərliyinə və bu tədbirin kemirilməsində zəhməti olan bütün müəllum və şagirdlərə təşəkkür etdi. Daha sonra çıxış edən məktəbin direktoru Rəfail Hüseynov çıxışı zamanı vətənimizin bütövlüyü, azadlığı uğrunda canından keçmiş qəhrəman övladlara həmişə dəyər verdiyini, şəhidlərimizin xatirəsinin qəlbimizdə daim yaşayacağını vurğuladı.Osmanlı Teymur kimi qəhrəmanlarla qürur duyduğunu bildirdi. Tədbirin sonunda məktəbin foyesində Teymur Osmanlıya həsr olunmuş fotosərgiyə və Teymurun adına verilmiş sinif otağına baxış keçirildi.