Xətai rayonunda ağacların kəsilməsi ilə bağlı dəfələrlə redaksiyamıza şikayət daxil olub. İki il öncə Nobel prospektində kəsilən ağaclar barədə də ilk olaraq Azadmedia.az həyəcan təbili çalmış, əlaqədar orqanlar hərəkətə keçmişdi. Bu dəfə də ağacların hasara alınması ilə bağlı məlumat almışıq. Fotonu redaksiyamıza göndərən oxucumuz qeyd edir ki, NZS qəsəbəsində 194 saylı məktəbin bir addımlığında aparılan tikinti piyada səkisinin üstündə, ağacları hasara almaqla aparılır. Aydın məsələdir ki, divarı hündürləşdirib, ağacları kəsəcəklər.
Ağacların qəniminə çevrilənləri cərimə yox, həbs etmək lazımdır ki, digərlərinə dərs olsun. Satdıqları ərazilərdən qazandığı pullarla cərimə vermək onlar üçün dəryada damladır.
Hərəkətə keçmək zamanıdır. Bakı gözüdoymaz məmurların sayəsində yaşıllıq şəhərindən toz-duman şəhərinə çevdilib.
Elnurə Abuşova