Rusiyada dəhşətli cinayət qeydə alınıb.
34 yaşlı İrina Kozlova boşandıqdan sonra Yevgeniy Markovla görüşməyə başlayıb. Amma İrina dəhşətli cinayətin qurbanına çevrilib.
İrina yerli sakinlər tərəfindən məşhur xizəkçi və snoubordçu kimi tanınırdı. Qadın sevgilisinin istəyi ilə "Mini Cooper" markalı maşını ən sevdiyi mənzərə olan yerə sürüb. Yevgeniy ona bir sürprizi olduğunu bildirib və qadından gözlərini yummasını istəyib. Sonra isə İrinaya 88 bıçaq zərbəsi endirib. İrinanın meyiti Ust-Mana kəndi yaxınlığında Yenisey çayına baxan bir mənzərə nöqtəsində tapılıb.
Yevgeniy polis tərəfindən saxlanılıb. Polisə etirafında cani özünü İrinaya iş adamı kimi təqdim etdiyini, yalanı üzə çıxdığı üçün İrinanı öldürdüyünü etiraf edib.